有上過昆達里尼瑜伽的同學，都一定會聽過落堂個陣，林明老師會帶著大家唱一首Long Time Sun Song，然後唱3次Sat Nam來完成今日嘅課程，至今已耳熟能詳～
不論你第一次聽，或者每星期都嚟上堂，都會覺得好悅耳，有種被感動嘅感覺～
問：為什麼昆達瑜伽要唱呢首歌呢？
很多人以為呢首歌來自錫克教或其它部落嘅祝辭，但其實它來自愛爾蘭一隊band叫Incredible String Band。Band既主音Mike Heron於1968年春天創作咗一首叫A Very Cellular Song ，收錄在LP-The Hangman’s Beautiful Daughter大碟之中，這首歌分成好幾段不同嘅melody 與歌詞，總長達13分鐘，而最後一段，便一直repeat long time sun song 歌詞直唱到尾，大約3.5分鐘～（我有時上堂會偷偷播原著同學應該不知道呢～）
當年訪問成員之一的Robin William，他表示知道呢首歌已被昆達里尼拎黎用左，而主音及創作者Mike Heron則表示從未見過Yogi Bhajan 本尊或其他學生，問題又來了，甘點解呢首歌會出現喺昆達界呢？
>>>>>
是甘的：話說上世紀60-70年代美國喺一個意識覺醒嘅時代～年輕人瘋狂啪迷幻藥、大麻、酒精、甚至死藤水，希望可以透過呢d途徑去覺醒合一，就在此時Yogi Bhajan在1968年抵達美國，透過傳授昆達里尼瑜伽，令到當時年輕人找到一個正確安全嘅途徑去了解何謂靈性～
咁甘多啪藥既年輕人當中，當中實有好多喺Incredible String Band 嘅小粉絲，（因為真的紅爆），成日都自彈自唱，後來佢地做左Yogi Bhajan嘅第一代學生～
有一日，Yogi Bhajan甘岩行入佢地間房個陣，佢地正在演奏緊A Very Cellular Song呢首歌，Yogi Bhajan當時說：「繼續，唔駛理我～」便在一旁靜靜地聽著～
聽完後Yogi Bhajan覺得呢首歌歌詞好感動，之後就要求每次落堂個陣，都要唱呢首歌作為一個課堂的結束，慢慢就成為昆達里尼瑜伽界傳統曲子喇～
以下喺Yogi Bhajan在1985年1月28日的一段話：
「我地已經唱左呢首歌15、16年喇，有時它會令到我流馬尿，但喺瑜伽士唔應該喊，但我係一位對咩事都會喊一餐嘅瑜伽士。這很有趣， 又好好笑。人地喊嘅時候我唔喊，人地喊吾出來，我嘅淚眼又會流出黎，但吾理點都好，我想講…..
「 May the Long Time Sunshine upon you 願永恆的陽光照耀著你」， 幾偉大嘅祝福！我地祝福大家～🙏🏾
「All Love surround you所有的愛圍繞著你」，愛不單單來自神，而係所有嘢，幾肯定啊～
「and the Pure light within you你內在的純潔的光芒」。吾係一般嘅「光」，純潔的光係「光芒體」，喺靈魂。靈魂直接來自光芒體。光芒體係靈魂既護盾， 即內在純潔嘅光芒～
「Guide your way on 指引你的方向」，我地吾講follow me，而係指引你走向前方，繼續走，我們就喺甘唱～～
呢首歌俾到我地感受到自我，但有時候我地應該唱俾自已內心聽，要明白你地自己知道自已既一切～
當你遇到逆境時，您可以大笑，而當你悲慘時，您可以令自己變得幽默，當你可以穿越，神已經在你內在；
沒有其他地方可以找到祂。」
好喇，以上係Long Time Sun 嘅典故，當然除了含祝福和傳統外，透過唱Long Time Sun Song，老師我發現它其實含一種Grounding （接地）功能～
有時在家練習做kriya後，能量一直在頂輪游走不散呢～神奇地，當唱完Long Time sun 後便得到平衡了～
(也有同學試過skip左吾唱，情況也是一樣）這真的是經驗之談～
以下收錄了A Very Cellular Song的連結，最尾Long time sun跟我在課堂上播嘅版本好吾同，原著係首拍子比較輕快的民謠風曲哦～請欣賞
I love you, but Jesus loves you the best, And I bid you goodnight, goodnight, goodnight, Lord, I bid you goodnight, goodnight, goodnight….
Sat Nam🙏🏾👳🏾♂️
*部份資料來源自Harisingh網站的分享
*圖畫：林 明老師Ming Livprem Singh